SELAMAT DATANG DAN BERKUNJUNG DI ISP 68 BLOG
Kada Bagaduh Ubama Jadi Parasidin (Translated) - ISP68

Xticker

Merangkai Kata Merajut Asa

Definition List

   # 

Jumat, 21 Maret 2014

Kada Bagaduh Ubama Jadi Parasidin (Translated)


Parak tangah hari tadi Julak Madi bapandir bahawa Ubama (Obama, Presiden USA maksudnya) manang pulang di pamilihan parasidin amirika gasan nang kadua kalinya.

(Jelang tengah hari tadi Mang Madi membawa kabat bahwa Obama menang dan terpilih kembali sebagai presiden Amerika untuk yang kedua kalinya)

Kabulujuran Julak Madi pas bapandir rahatannya banyak urang minuman di warung Acil Inur, tamasuk ada jua Kai Asul nang rahatan manuntum banyu kupi.
“Nangapa jua untungnya ikam mamandirakan si Ubama itu manang wan jadi parasidin pulang, kula kada, kancur jariangaunya haja kadada kaciuman,” Kai Asul manyahuti muar.


(Kebetulan saat Mang Madi bicara itu sedang banyak orang minum di warung Bi Inur, termasuk diantaranya Ki Asul yang sedang menenggak kopinya. “Apa juga untungnya kamu membicarakan si Obama itu menang dan jadi presiden kembali, keluarga bukan, bau-baunya saja tak ada keciuman.”)

Bubuhan nang mandangar ucapan Kai Asul itu takajut, baimbai maniring ka ampah Kai Asul nang kada tahu-tahu muha.
“Kadanya nang kaya itu pang marina ai. Ulun sahibar maulahakan kisah banar ai, napang banyak urang di banua ini rami mamandirakan parihal Ubama nitu, jadi ulun umpat ai jua,” Julak Madi mambila diri.
“Kada usah umpat urusan nang di Amirika sana, kajauhan, baik kita mamikirakan kaya apa sakira dapur tatap bakukus tatarusan saban hari,” ucap kai Asul pulang.
“Amun handak dapur bakukus nyaman haja kai ai, salukut haja, hahaha………..,” Idrak umpat manyahut sambil kaluar warung, mancicing inya bukah.
“Kurang ajar, kada tahu dibasa satuwa nitu, mahuhulut urang tuha,” Kai Asul manumpalak Idrak nang sudah kada kalihatan lagi.


(Mereka yang mendengar ucapan Ki Asul itu kaget, serentak mengalihkan pandangan ke arah Ki Asul yang berlagak tak tahu menahu. “Bukannya begitu Ki. Saya sekedar membuat pembicaraan saja, karena banyak orang di negeri ini ramai membicarakan perihal Obama itu, jadinya saya ikutan juga,” Mang Madi membela diri. “Tak usah ikutan urusan yang di Amerika sana, kejauhan, baiknya kita memikirkan bagaimana agar dapur tetap berasap setiap hari,” kata Ki Asul lagi. “Kalau dapur mau berasap gampang saja Ki, bakar saja, hahaha……….,” Idrak ikut nimbrung sembari keluar warung, lalu lari terbirit. “Kurang ajar, tak tahu adat kunyuk itu, mengolok orang tua,” Ki Asul menyumpah serapahi Idrak yang sudah tak tampak lagi.)

Lihum papuyu Julak Madi mandangar sahutan Idrak. Dalam hati Julak Madi, “napa tiya dihuhulut kakanakan kajadian manyanyangit.”
“Bagi aku handak siapakah jadi parasidin Amirika nintu kadada untungnya jua. Jangan parasidin banua lain, parasidin saurang haja gin ai kada tapi kawa maurusi kita,” Kai Asul masih haja bamamai.


(Senyum kecil Mang Madi mendengar Idrak nimbrung. Dalam harinya, “rasain diolok-olok anak-anak, sewot sih.” “Bagiku siapapun yang jadi presiden Amerika tak ada untungnya juga. Jangankan presiden negara lain, presiden negara sendiri saja belum mampu mengurusi kita,” Ki Asul masih menggerutu.)

Labar am, maksud Julak Madi handak jua umpat mambahas masalah luar nagari, istilahnya handak bapandir masalah pulitik, sakalinya tadapat Kai Asul nang pinanya rahat “galau”.
“Ulun parmisi badahulu haja nah bulik marina ai,” ujar Julak Madi.
“Hau, napa kada jadi bapasan banyu kupi juakah kaya Kai Asul ?” takun Acil Inur.
“Kaina haja ba’asa, bahujung kada ampih kaina Kai Asul bamamai,” Julak Madi babisik ka talinga Acil Inur.


(Dasar sial, maksud Mang Madi ingin turut membahas masalah luar negeri, ikut membahas masalah politik, tak tahunya ketemu Ki Asul yang tampaknya sedang galau. “Saya permisi duluan saja mau pulang Ki,” kata Mang Madi. “Lho, kok tidak jadi pesan kopi seperti Ki Asul ?” Tanya Bi Inur. “Nanti saja lain kali, nanti malahan Ki Asul tak berhenti menggerutu,” Mang Madi berbisik ke kuping Bi Inur.)

Sapaninggal Julak Madi nang badahulu bulik, Kai Asul bapandir ka Acil Inur, “bagaduh si Ubama jadi parasidin kah kada, lainan urusan saurang, patuh haja kada.”
Acil Inur mandam haja mandangar pamandiran Kai Asul.


(Sepeninggal Mang Madi pulang, Ki Asul bicara ke Bi Inah, peduli apa si Obama jadi presiden atau tidak, bukan urusanku, kenal saja ridak.” Bi Inur cuma benhong mendengar perkataan Ki Asul.)