Ba’arit wan Ba’imit Mamakai Listrik (by translated)

“Kanapa yu lah listrik di wadah kita haur pajah tarus. Amun kada siang, malam pajah, atawa rahatan hari hujan ?” Anang mambuka pamandiran rahatan banyak kakawalannya minuman di warung bini Abi.

“Kenapa sih listrik di daerah kita ini padam terus. Tidak siang, malam padam, atau saat hari hujan ?” Anang membuka pembicaraan saat banyak teman-temannya minum di warung istri Abi.

“Nah am, kada tahu jua kanapa listrik di wadah kita naya jadi kaya itu,” sahut Utuh Kancirak sambil ma’isap ruku wan ma’ambul akan kukusnya ka atas.

“Nah inilah, tak tahu kenapa listrik di daerah kita seperti itu,” sahut Utuh Kancirak sambil mengisap rokok dan mengepulkan asapnya ke atas.

“Padahal banua kita naya nang mahasil akan batubara numur dua imbah Kalimantan Timur,” Amang Ijun umpat bapandir.

“Padahal daerah kita ini merupakan penghasil batubara nomor dua setelah Kalimantan Timur,” Om Ijun ikut nimbrung.

“Haw, nangapa hubungannya listrik maka ta ka batubara ?” Undul nang rahatan manyuap nasi basuara, hibak muntung wan susumpalan nasi.

“Lho, bagaimana hubungannya listrik maka ke batubara ?” Undul yang sedang menyuap nasi bersuara, mulutnya dipenuhi oleh gumpalan nasi.

“Makanya am bahari tu disuruh akan kuitan sakulah, jangan tulak bakalikir wan balugu haja,” sahut Anang manumpalak Undul nang talihat muha jadi habang hirang.

“Makanya kamu itu dulunya disuruh oleh orangtua sekolah, bukan malah pergi main krlereng dan main logo,” sahut Anang mengejek Undul yang wajahnya tampak berubah menjai merah kehitaman.

“Sudah, jangan bahualan kadada jua gunanya, tatap ai listrik pajah tarus saban hari,” Amang Ijun manangahi.

“Sudah, jangan bertengkar tak ada gunanya juga, tetap saja listrik padam terus tiap hari,” Om Ijun menengahi.

Supaya bubuhannya paham, Amang Ijun manjalas akan. Ujar Amang Ijun, wayah ini nang manggarak akan masin listrik nintu supaya hidup, kada minyak budas haja, amun jua batubara nang banyak ditambang urang di banua kita naya.
Kanapa jadi mamakai batubara, Amang Ijun manarus akan, haraga minyak nintu labih larang wan jua mulai bakurang. Nah, bahubung di banua naya banyak batubara, maka pambangkit listrik mamakai batubara, cuntuhnya PLTU di Asam Asam. Salain nintu ada jua nang mamakai tanaga banyu, nang kaya PLTA di Riam Kanan.

Agar mereka mengerti, Om Ijun memberi penjelasan. Menurut Om Ijun, kini yang menggerakkan mesin listrik itu agar hidup, bukan cuma minyak saja, tapi juga batubara yang banyak ditambang orang di daerah kita ini. 

Kenapa menggunakan batubara, Om Ijun meneruskan, harga minyak itu lebih mahal dan juga mulai berkurang persediaannya. Nah, dikarenakan di daerah ini banyak batubara, maka pembangkit listrik menggunakan batubara, misalkan PLTU Asam Asam. Selain itu ada pula yang menggunakan tenaga air, seperti PLTA Riam Kanan.

“Tapi am biar sudah mamakai batubara wan tanaga banyu, tatap haja jua listrik di wadah kita naya kada sing ru’usan,” ujar Anang pina sangit.

“Namun meski sudah menggunakan batubara dan tenaga air, tetap saja listrik di daerah kita ini tak juga beres,” kata Anang agak kesal.

“Rancak pajah nintu akibat banyak pamasangan wan pamakaian. Alahan wayah ini sarabanya pakai listrik; tipi, kipas angin, asi, kulkas, gusukan, masin batapas, sampai manjarang banyu wan mamasak nasi pakai listrik, tamasuk jua mancas punsil,” Amang Ijun manjawap akan takunan Anang nang pina sangit nintu.

“Seringnya padam itu dikarenakan banyaknya pemasangan dan pemakaian. Bahkan sekarang serba pakai listrik; telepisi, kipas angin, AC, kulkas, seterika, mesin cuck, hingga merebus air dan menanak nasi menggunakan listrik, termasuk pula menyeterum ponsel,” Om Ijun menjawab pertanyaan Anang yang agak kesal itu.

“Kaya apa am sakira listrik naya kada rancak pajah ?” takun Utuh Kancirak ka Amang Ijun.

“Bagaimana sih agar listrik ini tak sering padam ?” tanya Utuh Kancirak ke Om Ijun.

“Sabujurannya takunan ikam naya ngalih manjawap akan. Amun handak jua mangurangi listrik kada rancak pajah; kita musti ba’arit mamakai listrik,” jawap Amang Ijun.

“Sebetulnya pertanyaanmu ini sulit menjawabnya. Jika ingin mengurangi agar listrik tidak sering padam; kita mesti berhemat menggunakan listrik,” jawab Om Ijun.

“Ba’arit nang kaya apa maksut pian nintu, Mang ?” Anang batakun, pinanya sudah kada sangit lagi.

“Berhemat yang bagaimana maksud sampeyan itu, Om ?” Anang bertanya, tampak sudah tak kesal lagi.

“Cuba akan kita balajar ba’arit mamakai listrik, ini artinya pacang takurang jua kita bayar ka PLN, wan urang lain gin ai ta’umpat jua nyaman mamakai listrik,” sahut Amang Ijun. Anang pinanya paham wan pandiran Amang Ijun, nang lain umpat unggut-unggut tamasuk ampun warung, bini Abi.

“Cobalah kita belajar berhemat menggunakan listrik, ini artinya kita bakal berkurang pula bayar ke PLN, dan orang lain pun ikut enak menggunakan listrik,” jawab Om Ijun. Anang tampak mengerti terhadap pembicaraan O. Ijun, yang lain ikut manggut-manggut termasuk pemilik warung, istri Abi.

Amang Ijun manarus akan manjalas akan ka bubuhannya. Manurut sidin, bila kada parlu banar kada usah manyala akan bula lampu listrik. Cuntuhnya, amun handak guringan jua, cukup haja manyala akan listrik nang wat-nya halus. Amun tulak maninggal akan rumah, nyala akan lampu saparlunya haja, asi wan pamanas/pandingin banyu alias dispinsir, dimati’i haja. Mahidupi tipi gin ai, amun kada tapi dituntun jua, labih baik dimati’i, apalagi acaranya kada rami.

Om Ijun meneruskan memberi penjelasan ke mereka. Menurutnya, bila tak begitu perlu tak usah menyalakan listrik. Misalkan jika ingin tidur, cukup menyalakan penerangan yang watt-nya kecil. Bila pergi meninggalkan rumah, nyalakan listrik seperlunya saja, AC dan dispenser dimatikan saja. Menyalakan telepisi pun, jika kurang ditonton, lebih baik dimatikan, apalagi tayangannya tak menarik.

“Amun asing-asingnya kita hakun ba’arit mamakai listrik, maka takurang jua baban gawian masin, tantu lambat jua masinnya rusak. Cuba akan amun saban ikungan urang kawa ba’arit 10 wat haja, amun dikali akan wan baratus alahan baribu, barapa sudah nang kawa di’imit, baik wat listrik atawa duit gasan pambayarnya,” ujar Amang Ijun pulang.

“Bila masing-masing kita mau berhemat menggunakan listrik, maka brrkurang pula beban pekerjaan mesin, tentu lambat juga mesinnya rusak. Coba saja jika tiap orang bisa berhemat 10 watt saja, kalau dikalikan dengan ratusan bahkan ribuan, berapa sudah yang bisa dihemat, baik watt listrik maupun uang untuk pembayarnya,” kata Om Ijun pula.

Pinanya samuaan nang di warung umpat mandangar akan pamandiran Amang Ijun taliat puas. Kada karasa’an kajadian haur bapandir haja, kupi Amang Ijun talah dua cangkir, wan satangah bungkus ruku habis.

Tampaknya mereka semua yang di warung ikut mendengarkan pembicaraan Om Ijun menjadi puas. Tak terasa karena bicara terus, Om Ijun menghabiskan dua gelas kopi, dan setengah bungkus rokok habis.