Haratnya Urang Kampung Ma'ulah Tambak Pakai Eksapator - ISP68

Xticker

Merangkai Kata Merajut Asa

Klik atau Tekan Saja Foto di Bawah Ini Untuk Pemesanan Langsung
Klik atau Tekan Saja Foto di Bawah Ini Untuk Pemesanan Langsung

Senin, 06 Juli 2020

Haratnya Urang Kampung Ma'ulah Tambak Pakai Eksapator

Jawapan mambari muar naya.

"Amun warga nang mambuka tambak itu gasan bacari makan haja kada gasan kasugihan."

Damintu kumintar ada urang di pisbuk takait habar atawa berita di Desa Rampa Manunggul Kecamatan Sampanahan Kabupaten Kotabaru; ada nang mambuka tambak puluhan hektar kada ba'ijin wan mamakai alat berat eksapator.

Warga biasa atau urang kampung mana sanggup duitnya menyiwa atawa marintal eksapator nintu nang kada murah siwanya.

"Bahutang di bank amun urang kampung di wadah kami gasan marintal eksapator mambuka tambak," ujar nang kumin nintu.

Haratnya pang urang kampung marintal eksapator mambuka lahan tambak salang mainjam duit di bank. Padahal nang ngaran urang kampung nintu jangan handak bahutang di bank bajuta-juta mainjam gasan bamodal bajualan pancarakinan haja ngalihnya satangah hidup saparu mati, musti ada jaminan nang sasuai wan nang pacang di'injam.

Amun kawa mambuka tambak puluhan hektar nintu lainan urang kampung biasa tagal urang sugih nang ba'usaha kada gasan sahibar makan sahari-hari haja tagal gasan bacari kasugihan. Amun bujur urang kampung nintu sapangikih sapamakan gasan saban hari.

Referensi tulisan : Puluhan Tambak Liar di Kawasan Cagar Alam.

Intinya nintu lainan masalah dimapa caranya mambuka tambak, tagal ada ijinnya kada. Maraganya amun mambuka lahan gasan tambak di kawasan cagar alam alahan lagi hutan lindung; naya ijinnya kada gampang, musti minta ijin ke Kementerian Kehutanan wan Lingkungan Hidup. Amun sakahandak haja mambuka lahan barat'an urang gin ai bisa.

Sabarata'an napa haja ada aturannya, kada kawa sakahandak. Musti taat aturan amun banua naya handak tartip wan aman.

Kamana'an kah bubuhan BKSDA (Badan Konservasi Sumber Daya Alam) di banua naya maka kada hintat-hintat ma'urusi gawiannya, maka ada haja masih nang mambuka lahan kada ba'ijin di kawasan cagar alam. Nintu cagar alam bauntung ai lainan cagar ikam haja, cagar barata'an kaina nang tatinggal imbah bubuhan kita ni matian. (ISP)

--------------------------------------

*Perhatian : Penulis tak menyediakan terjemahan tulisan di atas, silakan belajar Bahasa Banjar ke tetangga, teman, maupun kenalan Anda yang orang Banjar.




Tidak ada komentar:

Posting Komentar

Komentar singkat & padat.
Tak bernuansa SARA.
Tak membully.