.jpg "Andrean Atma Maulani")
.jpg "Abdul Rahim")
.jpg "Nur Khalifah")
.jpg "Suwignyo")
 |
| ampun maap mamakai gambar detik.com |
"Mauk ah aur manggarunum haja, aku ni nang minik kapala bacari duitnya ikam nyaman ai tahunya manggarunum," Utuh Waw manyahuti bininya.
"Setang ngana itu, pigi mandi sana jang cuma di rumah, pigi lekas cari tu doi," kada manggarunum lagi bini Utuh Waw tagal mahingkak.
Salawas Kuruna (Covid-19) naya sarabanya ta'umpat ngalih tamasuk bacari duit, sarabanya diwatasi ulih pamarintah. Biasanya Utuh Waw nyaman haja bacari duit wayah naya ta'umpat ngalih. Amun dirasa-rasa akan asa'an handak pacah kapala mamikir akan bayar naya, tahur nintu saban hari.
Bacari duit ngalih, tagal tatap haja musti makan minum saban hari wan nang lainnya; bayar listrik, nukar baras iwak tarik, angsuran hutang di bank, angsuran sampida mutur, arisan, SPP kanakan sakulah, nukar kuwuta intarnit, bayar tipi kabal, ditambahi pulang bayar guru lis gasan kakanakan nang balajar di rumah.
"Lekas ngana itu mandi jang tidor di kamar mandi, kita so mo mandi tau.....!" Kuciak bini Utuh Waw.
"Hi'ih, naya aku rahatan basabun, sabar haja pang !" Utuh Waw ta'umpat jua bakuciak manjawapi bininya.
"Heran kita ini deng pamarintah; samua so dibuka, pasar-pasar so dibuka, masjid, gereja samua so dibuka, maar sekolah nyanda dibuka, torang depe anak-anak tetap belajar di rumah, kiyapa so bisa bagini," bamula pulang bini Utuh Waw manggarunum.
Imbah tuntung mandi Utuh Waw ancap bapuruk pakaian, turun pada rumah kada sing padahan daripada mandangar akan garunuman si Manado nang muntungnya padas ma'untal lumbuk sing banyakan. (ISP)
-----------------------------------
*Mohon maaf, tak menyediakan terjemahan Bahasa Banjar apalagi Bahasa Manado, silakan belajar ke tetangga atau siapa saja yang mengerti ke 2 bahasa tersebut.
