.jpg "Andrean Atma Maulani")
.jpg "Abdul Rahim")
.jpg "Nur Khalifah")
.jpg "Suwignyo")
 |
| paramisi : gambar ampun portal jember |
"Dangar-dangar habar ujar sampida tinjak gin ai kaina pacang takana pajak atawa bayar pajak jua kaya bahari, ngaranya lucis amun bahari tu," Uhir mamulai pamandiran rahatan bubuhan tarkul Pasar Ahad takumpul di warung Acil Imai baisukan.
"Bah iya am pacang sarabanya takana pajak amun damintu," sahut Ihin sambilan mambibit gaguduh.
"Cah kada usah abut masa'alah sampida pacang takana pajak tu, saurang kada ba'isian sampida jua ha, saban hari batispa jua ha, hahahaha..........." ujar Ihad lalu mangalangkang tatawa.
"Masa'alahnya lainan apakah kita baisi sampida atawa kada pang, tagal nanag kaya pamarintah nintu kaya kakurangan duit haja, sarabanya handak dipajaki sampai-sampai kukus kanalput sampida mutur wan mutur haja ujar pacang takana pajak jua, liwar........," Uhir ba'ucap pulang.
Buka web ini melalui smart phone lalu tekan foto hotel di bawah ini Anda akan langsung terhubung ke Resepsionis Hotel melalui telpon.
"Bujur jar ikam tu Hat ai. Liwar kapupurunan jua ah pamarintah amun sarabanya pacang dipajaki sadang gawian gasan bacari duit haja wayah naya sing ngalihan," ucap Ihin.
Rahatannya bubuhannya asik barucau datang jua umpat bagabung Amang Igup. Sidin balalu mamasan kupi hirang ka Acil Imai, duduk di higa Ihat.
"Napa ti ba'isukan naya nang pacang dibahas pulang ?" takun Amang Igup.
"Anu Mang ai......kisah sampida tinjak pang nang pacang takana pajak jua atawa lucis," jawap Ihin.
"Uh.........nintu kah....aku ada jua pang babarapa kali tabaca di Midsus masa'alah sampida nintu," ujar Amang Igup sambil manyambut kupi hirang pasanan sidin.
"Dimapa am amun manurut pandapat pian Mang masa'alah sampida tinjak nang pacang takana pajak nintu ?" takun Uhir.
"Sabujurnya kadada masa'alah amun dipajaki jua, tagal musti dilihat dulu sampida nang mudil macam apa nang dipajaki nintu. Amun sampida buruk gasan bagawi ka kabun atawa ka pahuma'an nang haraganya gin kada sabarapa; kada musti dipajaki, alahan pulang amun sampida buruk wan sudah japuk handak rahai," jawap Amang Igup.
"Imbah pang sampida mudil atawa macam apa nang musti dipajaki nintu Mang ?" takun Ihat ma'anyaki Amang Igup.
"Sampida tinjak nang musti dipajaki nintu ya mudil nang larang nang haraganya haja bilang handak sama sampida mutur alahan ada sampida tinjak nang haraganya larang pada sampida mutur jua saharaga mutur sabigi," ujar Amang Igup.
"Haw, sampida tinjak mudil kaya apa bisa salarang nintu haraganya Mang ?" takun Uhir hiran.
"Iya am bubuhan ikam ni barata'an pinanya katinggalan habar. Makanya am amun mambuka intarnit tu jangan mabuka tik tuk atawa ba-pisbukan haja tagal jua mambuka barita di situs barita unlain (online)," sahut Amang Igup manumpalaki bubuhannya.
"Inggih Mang ai, siap salah kami ni barata'an," sahut bubuhannya batitiga.
"Hanyar-hanyar naya Yamaha ada ma'ulah sampida tinjak nang haraganya labih larang daripada sampida mutur N-Max nang banyak ditunggang urang wayah naya. Jua ada sampida tinjak nang haraganya ratusan juta amun kada salah miriknya nintu Barumtun (brompton)," Amang Igup manjalas akan.
"Barapa'an Mang satahu pian haraga sampida tinjak Barumtun nintu ?" takun Uhir.
"Amun aku suah mambuka-buka situs barita tu ada nang baharaga 100 jutaan alahan labih tagal nang bujur-bujur asli ulahan Inggris," jawap Amang Igup lalu mahiut ruku sidin.
"Akayah ai.....naya bujur-bujur saharaga sabigi mutur wara, mutur sikin atawa mutur bakas, amun kaya naya wajar haja amun dipajaki maraga haraganya larang," ujar Ihat sambil ta'uling.
"kaya itu pang sudah, dimapa am kada kana pajak," ujar Amang Igup.
Bubuhannya batitiga jadi paham imbah mandangar panjalasan Amang Igup. Wajar haja pang amun sampida tinjak haraga larang dipajaki tagal jangan sampida tinjak buruk nang haraganya cuma rarusan ribu rupiah. (ISP)
--------------------------------------
*Perhatian : Penulis tak menyediakan terjemahan tulisan di atas, silakan belajar Bahasa Banjar ke tetangga, teman, maupun kenalan Anda yang orang Banjar.
