SELAMAT DATANG DAN BERKUNJUNG DI ISP 68 BLOG
Tarung Abah Ungke Handak Diulah Rica Rica - ISP68

Xticker

Merangkai Kata Merajut Asa

Klik atau Tekan Saja Foto di Bawah Ini Untuk Pemesanan Langsung

TONTON CERAMAH USTAD KHALID BASALAMAH DISINI

Senin, 23 November 2020

Tarung Abah Ungke Handak Diulah Rica Rica

Ampun maap, naya lainan barita tagal tulisan lapas manurut pikiran atawa dadangaran nang manulis.

 --------------

"Kiyapa so ini lama torang pe kodomo nyanda turun sekolah. Torang so pastiu kwa tiap hari jadi guru, tambah banyak torang pe karja di rumah ini kang," Umanya Ungke manggarunum saurangan, takaluar sudah basa aslinya urang Manado.

"Bararanai gin sudah, manggarunum atawa bamamai tatap haja magun kakanakan sakulah di rumah haja," sahut Abah Ungke matan dalam kamar.

"Badiang jo ngana itu, kita so capek ini tiap hari ada saja tu guru bakaseh tugas pe'er voor torang pe kodomo," Umanya Ungke manyahuti.

"Kada kawa ai amun sudah kaya nintu aturannya, tarima ai, mudahan kada lawas lagi kakanakan turunan sakulah," Abah Ungke manyahuti.

Asa'an muyak jua pang sudah babulan-bulan naya kakanakan balajaran di rumah haja. Nang diulahnya abut tu umanya kakanakan pang, maraganya abahnya kakanakan kebanyakan aur tahunya bacari duit saban hari. Imbah pang dimapa Amun kada bacari, baharap bantuan pamarintah kada kawa jua, nang dapat gin ai urang-urang batantu haja jua.

"Nintau kita ini kiyapa so sebenarnya pikiran pemerintah masih lei larang-larang sekolah dibuka," Umanya Ungke masih haja manggarunum.

"Iya am, bingung jua pang kanapa sikap pamarintah masih haja jua manangati sakulahan buka kaya biasa, padahal wayah naya banyak haja urang nang bagarumuk kadada ai ditaguri," ujar Abah Ungke.

"Selama Covid-19 ini kita pe darah tinggi jadi sering kumat kalu kaseh pelajaran torang pe kodomo. Ini kodomo susah skali kalu dikaseh pelajaran, maunya pegang ponsel ba'uni YouTube deng tiktok," Umanya Ungke kada jua ampih manggarunum.

Dimapa am kada manggarunum amun saban hari jadi guru malajari kakanakan. Sakulah di rumah, manukar pakit intarnit, SPP tatap haja jua bayar. Satris laki binian damiya.......

"Hoi...Papi Ungke, kalu ngana mo makang ba'ambe sandiri ne, kita nyanda bisa kaseh ambe voor ngana, sibuk kita ini kaseang," Umanya Ungke manyuruh Abahnya Ungke ambil saurang amun handak makan.

"I'ih umanya ai. Kaina malam Ikam kubalas kada kubari tarungku naya," sahut Abah Ungke.

"Apa ? Apa so ngana kata tadi ? Setang ngana itu, tunggu jo ngana disitu jang lari biar itu terong kita bekeng rica-rica," kuciak Umanya Ungke sangit.

Kada harap hakun mahadang Abah Ungke manggasut pilar kaluar kamar basambunyi dalam jamban. (ISP)

--------------------

*Perhatian : Penulis tak menyediakan terjemahan tulisan di atas, silakan belajar Bahasa Banjar & Bahasa Manado ke tetangga, teman, maupun kenalan Anda yang orang Banjar maupun orang Manado.

Tidak ada komentar:

Posting Komentar

Komentar singkat & padat.
Tak bernuansa SARA.
Tak membully.